Şirvan şəhər icra hakimiyyətinin başçısına yeni müavin təyin olunub

Şirvan Şəhər İcra Şakimiyyətində (İH) yeni təyinat olub.

“Report”un Aran bürosunun məlumatına görə, Şirvan şəhər icra başçısı İlqar Abbasovun müvafiq əmrinə əsasən Fərzəliyeva Aynur İmamverdi qızı şəhər İcra Hakimiyyəti başçısının müavini - İH-in ictima-siyasi və humanitar məsələlər şöbəsinin müdiri vəzifəsinə təyin olunub.

Buna qədər bu vəzifədə Ağayeva Elmira Soltanəli qızı çalışıb. O, 2020-ci il dekabrın 11-də 62 yaşında vəfat edib.

Qeyd edək ki, A.Fərzəliyeva bundan əvvəl Şirvan şəhər Heydər Əliyev Mərkəzinin direktoru vəzifəsində işləyib.