Rusiyalı politoloq: “Müasir Azərbaycan Heydər Əliyevin xidmətidir”

“İndi gördüyümüz müasir Azərbaycan Ümummilli Lider Heydər Əliyevin xidmətidir”.

“Report” xəbər verir ki, bunu Moskvada keçirilən “Heydər Əliyev: SSRİ və Rusiyanın inkişafında onun rolu” adlı dəyirmi masada politoloq, Siyasi Araşdırmalar İnstitutunun direktor müavini Darya Qrevtsova deyib.

Onun sözlərinə görə, Azərbaycanın paytaxtı Bakıda tarixi memarlıq müasir memarlıqla vəhdət təşkil edir: "Bu vəhdət çox ahəngdardır. Heydər Əliyevin gördüyü hər bir işdə bu ahəngdarlıq hiss olunur".

"Heydər Əliyev böyük qəlbli insan idi. Onu təkcə iqtisadi məsələlər deyil, həm də insanların həyatını necə yaxşılaşdırmaq maraqlandırırdı. Bu, siyasətçi üçün çox vacib xüsusiyyətdir", - D.Qrevtsova deyib.