Yuxarı

QHT-lərə Dövlət Dəstəyi Şurası 2015-ci il maliyyə müsabiqəsini elan edib

Şura sədri yaxın günlərdə Dini Qurumlarla İş üzrə Dövlət Komitəsi ilə də analoji sənədin imzalanacağını deyib

Bakı. 11 dekabr. REPORT.AZ/ Bu gün Azərbaycan Respublikasının Prezidenti yanında QHT-lərə Dövlət Dəstəyi Şurasının növbəti iclası keçirilib. Bu barədə “Report”a Şuradan bildirilib.

Şura sədri, millət vəkili Azay Quliyev iclası açaraq toplantı iştirakçılarına gündəlikdə dayanan Şuranın 2015-ci il I maliyyə müsabiqəsi, dövlət büdcəsindən növbəti ildə quruma ayrılan vəsaitin bölgüsü və təşkilati məsələlər haqqında məlumat verib.

Şura Katibliyinin icraçı direktoru Fərasət Qurbanov gündəlikdə dayanan birinci məsələ haqqında Şuranın Əsasnaməsinə və QHT-lərə dövlət dəstəyi Konsepsiyasına uyğun olaraq 2015-ci ilin birinci maliyyə müsabiqəsi üçün nəzərdə tutulan mövzular haqqında məlumat verib. Katibliyin icraçı direktoru Şuranın 3 noyabr 2014-cü il tarixli iclasında 2015-ci il I maliyyə müsabiqəsi mövzularının geniş müzakirə edildiyini və sənədin yenidən işlənməsi üçün işçi qrupun yaradıldığını deyib. F.Qurbanov ötən müddət ərzində Şura üzvləri tərəfindən irəli sürülən təkliflərin işçi qrup tərəfindən nəzərə alınaraq maliyyə müsabiqəsi layihəsi üzərində bir sıra düzəlişlər olunduğunu qeyd edib. İcraçı direktor dəyişikliklərə əsasən 7 müxtəlif istiqamət üzrə bir sıra yeni mövzuların müəyyən edildiyini, QHT-lərin müsabiqədə iştirakı ilə bağlı verilən tələblərin xeyli yüngülləşdirildiyini, texniki şərtlərin asanlaşdırıldığını vurğulayıb və Şuranın elektron resurlarının layihələrin qəbulu üçün hazır vəziyyətdə olduğunu bildirib.

İclasda çıxış edən Şura üzvləri Tahir Süleymanov, Rəna Mirzəzadə, Vüqar Qədirov və Dilarə Vəliyeva müsabiqənin şərt və qaydaları ilə bağlı təkliflərini səsləndiriblər.

Gündəlikdə dayanan II məsələ ilə bağlı məlumat verən Şura Katibliyinin baş mühasibi Tofiq Həsənov Şuranın 2015-ci il büdcəsinin xərclər smetası üzrə hazırlanan sənədi iclas iştirakçılarına təqdim edib.

Azay Quliyev indiyədək Şura ilə Əmək və Əhalinin Sosial Müdafiəsi Nazirliyi və Milli Məclis arasında əməkdaşlıq memorandumunun imzalandığını bildirib. Şura sədri yaxın günlərdə Dini Qurumlarla İş üzrə Dövlət Komitəsi ilə də analoji sənədin imzalanacağını deyib.

İclasda gündəlikdə duran məsələlər müzakirələrdən sonra səs qoyularaq qəbul olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi