Prezident seçkiləri ilə əlaqədar seçicilərlə görüş üçün müəyyənləşdirilən yerlərin siyahısı açıqlanıb - SİYAHI

Bakı. 13 mart. REPORT.AZ/ Azərbaycanda aprelin 11-nə təyin edilən Prezident seçkiləri ilə əlaqədar seçkiqabağı təşviqat aparmaq üçün ölkənin şəhər və rayon mərkəzlərində müəyyən edilən açıq və qapalı yerlərin siyahısı açıqlanıb. 

"Report" xəbər verir ki, yerlər “Sərbəst toplaşmaq azadlığı haqqında” qanununa müvafiq olaraq ayrılıb.

Bunun üçün ölkənin 76 şəhər və rayonunda yer müəyyən edilib. Müəyyənləşdirilən ünvanların sayı isə 152-dir. Onlardan 76-sı açıq, 76-sı isə qapalıdır. Bakı şəhərinin 12 rayonunun hər birində seçicilərlə görüş üçün açıq və qapalı yerlər ayrılıb. 

Qeyd edək ki, seçkiqabağı təşviqat martın 19-da başlayır.