Prezident İlham Əliyevə "Qarabağ"ın forması hədiyyə olunub

Azərbaycan Prezidenti İlham Əliyevə "Qarabağ" futbol klubunun forması hədiyyə olunub.

"Report"un xəbərinə görə, hədiyyəni dövlət başçısına dekabrın 13-də klub prezidenti Tahir Gözəl təqdim edib.

Belə ki, 10 nömrəli formanın üzərində Azərbaycan Prezidenti İlham Əliyevin ad və soyadı yazılıb.

Bundan əlavə, dövlət başçısına UEFA Konfrans Liqasının topu da təqdim edilib.

Qeyd edək ki, bu gün Prezident İlham Əliyev UEFA Konfrans Liqasında pley-off mərhələsinə yüksələn "Qarabağ" futbol klubunun üzvlərini qəbul edib.