Ötən il cinayət təqibindən kənar fəaliyyət üzrə 2 milyon 655 min manatın dövlətə ödənilməsi təmin edilib

2023-cü ildə ətraf mühitin mühafizəsi üzrə dövlət fonduna 2 milyon 655 min 224 manat məbləğində pulun ödənilməsi təmin edilib.

"Report" xəbər verir ki, bunu Baş prokuror Kamran Əliyev qurumun geniş kollegiya iclasında çıxışı zamanı deyib.

Onun sözlərinə görə, hökm və ya məhkəmənin digər yekun qərarının icrası ilə əlaqədar baxılmış apellyasiya və kassasiya protestlərinin təmin edilmə faizi yüksəlib: "Belə ki, apellyasiya protestlərinin 45,9%-1 (2022-ci ilin müvafiq dövründə 32,4%), kassasiya protestlərinin isə 46,7%-i (2022-ci ilin müvafiq dövründə 25,5%) təmin edilib.