"Müstəqil Azərbaycanın memarı" adlı tədbirin iştirakçıları Heydər Əliyevin məzarını ziyarət ediblər

Yeni Azərbaycan Partiyası (YAP), Bakı Dövlət Universiteti (BDU) və Ankara Universitetinin birgə təşkilatçılığı ilə aprelin 26-da keçiriləcək Ümummilli Lider Heydər Əliyevin 100 illik yubileyinə həsr olunmuş "Müstəqil Azərbaycanın memarı" adlı tədbirin iştirakçıları Fəxri xiyabana gələrək Heydər Əliyevin xatirəsini ehtiramla yad ediblər.

"Report" xəbər verir ki, ziyarətçilər Ulu Öndərin məzarı önünə gül dəstələri düzüblər.

Sonra görkəmli oftalmoloq-alim Zərifə xanım Əliyevanın da məzarı ziyarət edilib, tər güllər düzülüb.