MSK sədri sosial şəbəkələrdə əsassız informasiya paylaşanlara xəbərdarlıq edib: Başınızı boşuna ağrıtmayın

Sosial şəbəkələrdə müəyyən informasiyalar başqa formada çatdırılır.

"Report" xəbər verir ki, bunu Mərkəzi Seçki Komissiyasının (MSK) sədri Məzahir Pənahov rəhbərlik etdiyi qurumun bu gün keçirilən iclasında deyib.

O bildirib ki, bəzən ayrı-ayrı kadrlar kəsilərək bir-birinə qoşulub təqdim edilir: "Həmin kadrlara baxanda pozuntu olduğu görünür. Amma realda araşdırıb baxanda görürsən ki, məsələ başqadır. Burdan həmin şəxslərə bildirirəm ki, başlarını boşuna ağrıtmasınlar. Çünki hər şey ciddi araşdırılır və nəticə ortaya çıxır".