MSK sədri: “Bəziləri xoşagəlməz hallardan sui-istifadə etməyə çalışır”

“Bəziləri hansısa xoşagəlməz hallardan sui-istifadə etməyə çalışır. Bütün xoşagəlməz hallar MSK tərəfindən ciddi araşdırılır”.

“Report” xəbər verir ki, bunu Mərkəzi Seçki Komissiyasının (MSK) bugünkü iclasında MSK sədri Məzahir Pənahov deyib.

MSK sədri vurğulayıb ki, insanların əlində nə material varsa, təqdim etməlidir:

“Əgər sizdə nəsə material varsa, qoyun sosial şəbəkələrə. Ümumilikdə sosial şəbəkələrdə 385 videogörüntü yayılıb. Kiminsə əlində nəsə varsa, sosial şəbəkələrə yerləşdirsin. Mərkəzi Seçki Komissiyası bütün görüntüləri araşdıracaq”