MSK partiyaların illik maliyyə hesabatları ilə bağlı təlimatda dəyişiklik edib

Bakı. 13 may. REPORT.AZ/ Mərkəzi Seçki Komissiyasının (MSK) iclasında "Siyasi partiyalar tərəfindən təqdim edilmiş illik maliyyə hesabatlarının qəbul olunması və nəzərdən keçirilərək ictimailəşdirilməsi qaydalarına dair Təlimat"da dəyişiklik edilməsi məsələsi müzakirəyə çıxarılıb.

“Report”un xəbərinə görə, dəyişikliklə bağlı MSK sədrinin müavini Natiq Məmmədov məlumat verib.

O bildirib ki, əvvəllər partiyaların illik maliyyə hesabatları təqdim edildikdən sonra araşdırılıb, 24 saat müddətində ictimailəşdirilirdisə, indi hesabatlar təqdim edilən andan 1 iş günü ərzində MSK-nın rəsmi internet səhifəsində olduğu kimi yerləşdirilməklə ictimailəşdiriləcək.

Dəyişiklik səsverməyə çıxarılaraq qəbul olunub.