MSK-da bələdiyyə seçkiləri ilə əlaqədar işçi qrupu yaradılıb

Bələdiyyə seçkiləri ilə bağlı imza vərəqələrində, habelə namizədlərin, siyasi partiyaların, siyasi partiya bloklarının təqdim etdikləri sənədlərdə olan məlumatların düzgünlüyünü və müvafiq məlumatları yoxlamaq üçün işçi qrupu yaradılıb.

"Report" xəbər verir ki, bununla bağlı Mərkəzi Seçki Komissiyasının (MSK) bugünkü iclasında MSK-nın qərarı müzakirəyə çıxarılıb.

MSK katibi Arifə Muxtarovanın təqdimatına əsasən, işçi qrupunun tərkibi müəyyən edilib.

İşçi qrupunun tərkibinə müvafiq dövlət strukturlarından nümayəndələr daxil edilib. Qrupun rəhbəri isə MSK üzvü Etibar Quliyev təyin olunub.

Qərar səsverməyə çıxarılaraq qəbul edilib.