Yuxarı

​Milli Məclis deputatının mandatı ləğv olunacaq

MSK-da Asəf Hacıyevin deputat mandatının ləğv edilməsinə baxılacaq

Bakı. 6 yanvar. REPORT.AZ/ Qara Dəniz İqtisadi Əməkdaşlıq Təşkilatının (QDİƏT) Parlament Assambleyasının (PA) baş katibi seçilən Asəf Hacıyevin deputat mandatı ləğv olunacaq.

"Report"un məlumatına görə, bununla bağlı məsələ Mərkəzi Seçki Komissiyasının (MSK) növbəti iclasında müzakirəyə çıxarılaraq, qərar veriləcək.

Azərbaycan Konstitusiyasının 89-cu maddəsinə əsasən, millət vəkili dövlət orqanlarında vəzifə tutduqda, din xadimi olduqda, sahibkarlıq, kommersiya və başqa ödənişli fəaliyyətlə məşğul olduqda deputat səlahiyyətlərini itirir.

Xatırladaq ki, bundan əvvəl Əli Əhmədovun baş nazirin birinci müavini və Mübariz Qurbanlının Dini Qurumlarla İş üzrə Dövlət Komitəsinin sədri təyin edilmələri ilə əlaqədar deputat mandatından məhrum ediliblər. Həmçinin Gülər Əhmədova da deputat mandatından imtina edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi