Milli arxiv fondunda saxlanma müddəti başa çatan 210 mindən çox iş məhv edilib

Milli arxiv fondunda saxlanma müddəti başa çatan 210 mindən çox işin məhv edilməsi barədə aktlar tərtib olunub.

"Report" xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub.

Qeyd olunub ki, hesabat dövründə fonda məxsus 5 mindən çox daimi saxlama müddətli, 5,3 mindən çox işçi heyətə aid işin arxiv siyahıları hazırlanıb, qanunvericiliyə uyğun rəsmiləşdirilmə aparılmaqla saxlanma müddəti başa çatmış 210 mindən çox işin məhv edilməsi barədə aktlar tərtib olunub.

Xatırladaq ki, bu ilin yanvar ayının 1-nə dövlət arxivlərində 17 mindən artıq arxiv fondu və 4 milyona yaxın saxlama vahidi arxiv sənədi uçota alınaraq mühafizə olunur.