Məzahir Pənahov: "Müşahidəçilərin fəaliyyətinə yüksək səviyyədə şərait yaradılıb"

“Ümumilikdə, müşahidəçilərin fəaliyyəti üçün həmişə olduğu kimi bu dəfə də yüksək səviyyədə şərait yaradılıb. Seçikilərin şəffaf keçirilməsi, o cümlədən həm namizədlər, həm də seçicilər üçün hər cür şərait yaradılıb”.

“Report” xəbər verir ki, bu barədə Mərkəzi Seçki Komissiyasının (MSK) sədri Məzahir Pənahov parlament seçkilərinin açıq elan edilməsi ilə bağlı bu gün keçirdiyi mətbuat konfransında deyib.

M.Pənahov qeyd edib ki, səsvermə başlayıb və istənilən şəxs Mərkəz Seçki Komissiyasının saytına daxil olmaqla onlayn şəkildə veb-kameralar vasitəsilə seçki prosesini izləyə bilər:

“Bilirsiniz ki, 1000 seçki məntəqəsində veb-kamera quraşdırılıb. Artıq həmin vebkameralar fəaliyyət göstərir”.