Məntəqə sədri: Səsvermənin gedişində heç bir pozuntu halları qeydə alınmayıb

33 saylı Xətai seçki dairəsinin 64 saylı tam orta məktəbdə yerləşən 32 saylı məntəqəsində seçici fəallığı var.

Bunu "Report"a açıqlamasında məntəqə sədri Qənirə Qurbanova deyib.

Onun sözlərinə görə, məntəqədə 1 043 seçici var: "Səsvermənin gedişində heç bir pozuntu halları qeydə alınmayıb".

Qeyd edək ki, seçkilər ölkə üzrə 125 seçki dairəsinin ərazisində formalaşdırılmış 6 min 478 seçki məntəqəsində keçirilir. Onlardan 54-ü işğaldan azad edilmiş ərazilərdə formalaşdırılıb.

Seçki məntəqələri saat 8:00-da açılıb. Səsvermə 19:00-a qədər davam edəcək. Parlament seçkilərində 125 deputat mandatı uğrunda 990 namizəd mübarizə aparır. Azərbaycanda seçicilərin ümumi sayı 6 milyon 421 min 960 nəfərdir.