Malayziyada Heydər Əliyevin 100 illik yubileyi ilə bağlı sərgi keçiriləcək

Malayziyada Ümummilli Lider Heydər Əliyevin 100 illik yubileyi ilə bağlı sərgi keçiriləcək.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Bildirilib ki, Milli Məclisin Azərbaycan-Malayziya parlamentlərarası əlaqələr üzrə işçi qrupunun rəhbəri Vüqar Bayramov mayın 5-də Malayziyanın paytaxtı Kuala-Lumpur şəhərinə gedəcək.

Deputat burada Ümummilli Lider Heydər Əliyevin 100 illik yubileyinə və Azərbaycanla Malayziya arasında diplomatik əlaqələrin yaradılmasının 30-cu ildönümünə həsr edilmiş azərbaycanlı gənc rəssamların əsərlərindən ibarət sərginin açılışında iştirak edəcək.

Səfər mayın 11-də başa çatacaq.