Kürdəmirdə şəhid ailələri Türkiyə üçün yardım toplayıblar

Kürdəmirdə şəhid ailələri qardaş Türkiyədə zəlzələdən zərər çəkən insanlar üçün yardım toplayıblar.

”Report”un Yuxarı Şirvan bürosu xəbər verir ki, artıq bir neçə gündür ki, toplanan yardımlar növbəli şəkildə Türkiyədə zəlzələdən zərərçəkən insanlara göndərilir.

Şəhid ailələrinin topladıqları isti geyimlər, yataq dəstləri, elektrik qızdırıcıları və generatorları, eləcə də zəruri ərzaq məhsulları Cümə məscidinin müvəqqəti saxlama məntəqəsinə yığılıb.

Yardımlar iritutumlu maşınlarla Türkiyə yola salınması məqsədilə Bakı şəhərinə göndərilib.

Qeyd edək ki, yaxın günlərdə Kürdəmir Rayon İcra Hakimiyyətinin xətti ilə 4 ədəd hər biri 14 nəfərlik olan konteynerin göndərilməsi nəzərdə tutulur.