Komitə sədri: "Gender bərabərliyi istiqamətində kifayət qədər irəliləyiş əldə etmişik"

"Gender bərabərliyi istiqamətində kifayət qədər irəliləyiş əldə etmişik".

"Report" xəbər verir ki, bunu Milli Məclisin Ailə, qadın və uşaq məsələləri komitəsinin sədri Hicran Hüseynova "ASAN xidmət” Azərbaycan – BƏƏ dövlət xidmətləri" mövzusunda keçirilən beynəlxalq forumda çıxışı zamanı deyib.

Onun sözlərinə görə, qadınların hüquqları ilə bağlı müxtəlif qanunlar qəbul olunub: "Hökumət gender əsaslı məsələlərə xüsusi diqqət yetirir. Ölkədə Milli Məclisin spikeri və parlamentin bəzi komitə sədrləri qadınlardır. Parlamentdəki qadınların sayı əvvəlki illərlə müqayisədə çoxdur".