Kollegiya sədri: "Ümid edirəm ki, Naxçıvanda vəkillərin sayı artacaq"

"Naxçıvanda vəkillərin sayı digər ərazilərlə müqayisədə çox azdır və bu bizi narahat edir".

“Report” xəbər verir ki, bunu Azərbaycan Vəkillər Kollegiyasının sədri Anar Bağırov jurnalistlərə açıqlamasında deyib.

O bildirib ki, hazırda Naxçıvanda sənəd qəbulu davam edir: "Ümid edirəm ki, Naxçıvan Muxtar Respublikasının Vəkillər Kollegiyası ilə birgə apardığımız ardıcıl tədbirlər və təbliğat nəticəsində Naxçıvanda vəkillərin sayı artacaq. Eyni zamanda xanım vəkillərin sayı da çoxalar. Bununla Naxçıvanda yaşayan vətəndaşların hüquqi yardıma və ədalət məhkəmələrinə əl çatımlılığı təmin olunar".