Keçmiş məcburi köçkün: Doğma yurdumu görmək üçün səbirsizlənirəm

“Bu dəqiqə təzyiqim qalxıb. Doğma yurdumu görmək üçün səbirsizlənirəm”.

“Report” xəbər verir ki, bu fikirləri Bakıdan Laçın şəhərinə yola düşən keçmiş məcburi köçkün Kərimov Əkbər söyləyib.

Onun sözlərinə görə, Bakıda ailəsi üçün dövlət tərəfindən bütün lazımi şərait yaradılmışdı:

“Amma, doğma torpaq insanı çəkir, el-obama qayıdıram. Bizə bu günləri yaşadan Ali Baş Komandan İlham Əliyevə öz minnətdarlığımı bildirirəm. Qəhrəman şəhidlərimizə Allahdan rəhmət, qazilərimizə șəfa diləyirəm”.