Kamran Əliyev: “Prokurorluğun səlahiyyətləri genişləndirilməlidir”

Prokurorluğun səlahiyyətləri daha da artırılmalıdır.

"Report" xəbər verir ki, bunu Azərbaycanın Baş prokuroru Kamran Əliyev "Real" televiziyasına müsahibəsində deyib.

“Söhbət cəmiyyətin bəzi müdafiəyə ehtiyacı olan təbəqəsinin maraqları naminə məhkəmələrdə iddia qaldırmaq və digər prosessual addımlar atmaq səlahiyyətinə malik olmasından gedir. Bu cinayət təqibindən kənar fəaliyyət əsasən bunu əhatə edir. Söhbət inzibati icraatda prokurorluğun daha çox səlahiyyətinin artırılması və eyni zamanda cəmiyyətdə xüsusi müdafiəyə ehtiyacı olan şəxslər – azyaşlılar, yaşlı nəsildən gedir. Onların hüquqlarının müdafiəsi ilə bağlı prokurorluğun səlahiyyətinin genişləndirilməlidir”, - deyə K.Əliyev bildirib.