İmişli şəhər stadionu təmir olunur

İmişli şəhər stadionunda təmir işləri aparılır.

"Report"un Muğan bürosunun məlumatına görə, əvvəlcə stadionun yaşıl ot örtüyü yenilənəcək.

Təmir çərçivəsində yan qurğuların təmiri, baza təmiri və digər müxtəlif sahələrdə profilaktik işlər aparılacaq.

Aparılan işlərin oktyabr ayında yekunlaşması gözlənilir.

Xatırladaq ki, stadion bu ilin iyulun əvvəlində təmirə bağlanıb.

Qeyd edək ki, ərazisi 3 hektar olan İmişli şəhər stadionu 2006-cı ildə istifadəyə verilib. Stadion 8 500 tamaşaçı tutur.