Yuxarı

Qubad İbadoğluya görə tanınmış iki müsavatçı partiyadan istefa verib

Onlar İsa Qəmbərin müşavirləri olub

Onlar İsa Qəmbərin müşavirləri olub

Bakı. 6 fevral. REPORT.AZ/ Müsavat Partiyası başqanının sabiq müşavirləri Hüseyn Məlik və Səftər Nəhmətli partiyadan istefa verib. Bu barədə “Report”a Müsavat Partiyası Qadınlar Birliyinin sədri Ellada Məmmədli məlumat verib. O bildirib ki, H.Məlik və S.Nəhmətli başqanlığa sabiq namizəd Qubad İbadoğlunun Divanın qərarı ilə partiyadan xaric edilməsinə etiraz olaraq bu addımı atıblar.

S.Nəhmətli həm də tanınmış təhsil ekspertidir.

Qeyd edək ki, bu gün Müsavat Partiyası Divanının toplantısı keçirilib. Toplantıda Müsavat başqanlığına sabiq namizəd, tanınmış iqtisadçı Qubad İbadoğlunun partiyadan xaric edilməsi barədə qərar qəbul olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi