Yuxarı

​Mərkəzi Seçki Komissiyasının iclası keçirilib

İclasda cari məsələlərə baxılıb

Bakı. 7 aprel. REPORT.AZ/ Aprelin 7-də Məzahir Pənahovun sədrliyi ilə Mərkəzi Seçki Komissiyasının (MSK) növbəti iclası keçirilib.

MSK-dan "Report"a verilən məlumata görə, əvvəlcə Komissiyanın 12 fevral 2015-ci il tarixində keçirilmiş iclasının protokolu təsdiq edilib.

Sonra MSK Katibliyi strukturunun və ştat vahidlərinin yenidən təsdiq edilməsinə dair məsələ müzakirə olunub. Komissiya Azərbaycan Respublikası Seçki Məcəlləsinin və “Siyasi partiyalar haqqında” Azərbaycan Respublikasının qanununda dəyişikliklər edilməsi barədə 30 sentyabr 2014-cü il tarixli Azərbaycan Respublikası qanununu rəhbər tutaraq MSK Katibliyinin strukturunun və ştat vahidlərinin yenidən təsdiq edilməsini qərara alıb.

MSK-nın qərarı ilə bəzi seçki dairələri dairə seçki komissiyalarının tərkibində dəyişikliklər edilib.

Kütləvi informasiya vasitələrinin nümayəndələrinin iştirak etdiyi iclasda cari məsələlərə də baxılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi