“Avtomobil yolları” Fondunun vəsaiti daha effektiv və qənaətli xərclənəcək

Nazirlər Kabineti “Avtomobil yolları” Məqsədli Büdcə Fondunun vəsaitinin ölkə ərazisində ümumi istifadədə olan respublika və yerli əhəmiyyətli avtomobil yollarının saxlanması və istismarı üçün xərclənməsi Qaydaları”nda dəyişiklik edib.

"Report" xəbər verir ki, bununla bağlı Baş nazir Əli Əsədov qərar imzalayıb.

Qərar Azərbaycan Respublikasında ümumi istifadədə olan avtomobil yolları şəbəkəsinin səmərəli istismarını təmin etmək məqsədilə qəbul edilib.

Qərarın qəbul edilməsi avtomobil yollarının saxlanması ilə bağlı bəzi məsələlərin daha dəqiq və dolğun tənzimlənməsinə və nəticə etibarı ilə “Avtomobil yolları” Məqsədli Büdcə Fondunun vəsaitinin daha effektiv və qənaətli xərclənməsinə xidmət edəcək.