Göyçayda tanışını odlu silahla öldürməkdə şübhəli bilinən şəxs tutulub

Göyçay rayonunda tanışını odlu silahla öldürməkdə şübhəli bilinən şəxs tutulub.

"Report" xəbər verir ki, bu barədə Baş Prokurorluq və Daxili İşlər Nazirliyinin (DİN) Mətbuat xidmətləri məlumat yayıb.

Məlumata görə, avqustun 20-də 1987-ci il təvəllüdlü Ramin Malxasov odlu silahdan açılmış atəş nəticəsində qəsdən öldürülüb.

Faktla bağlı Göyçay rayon prokurorluğunda Cinayət Məcəlləsinin müvafiq maddəsi ilə cinayət işi başlanıb.

Cinayət işi üzrə həyata keçirilmiş intensiv istintaq və əməliyyat axtarış tədbirləri ilə qeyd edilən cinayət əməlinin zərərçəkmişin tanışı 1995-ci il təvəllüdlü Əhməd Əhmədov tərəfindən törədilməsinə əsaslı şübhələr müəyyən edilərək avqustun 21-də barəsində axtarış elan olunub.

Əhməd Əhmədov avqustun 24-də şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq-əməliyyat tədbirləri davam edir.