Gəncədə Zərifə xanım Əliyevanın xatirəsinə həsr edilmiş fləşmob keçirilib

Gəncə Şəhər İcra Hakimiyyətinin, YAP Gəncə şəhər təşkilatının və Kəpəz bələdiyyəsinin birgə təşkilatçılığı ilə görkəmli alim Zərifə xanım Əliyevanın xatirəsinə həsr edilmiş fləşmob keçirilib.

"Report"un Qərb bürosunun məlumatına görə, Heydər Əliyev adına meydanda 2 500 nəfərin iştirakı ilə baş tutan fləşmobda könüllülər, şəhərin ali təhsil müəssisələrinin gəncləri ”Zərifə Əliyeva-100” yazısı olan canlı simvol yaradıblar.

Qeyd edək ki, 28 aprel görkəmli elm xadimi, tibb elminə çox böyük töhfələr vermiş, tanınmış ictimai xadim, həkim-oftalmoloq Zərifə xanım Əliyevanın anadan olmasının 100-cü ildönümüdür.