Füzulidə Birinci Qarabağ müharibəsinin şəhidi Muğan Əliyev dəfn edilib

Qalıqları aşkar edilən Birinci Qarabağ müharibəsində itkin düşmüş hesab olunan şəhid Muğan Gəray oğlu Əliyevin nəşi Füzuli rayonuna gətirilib.

“Report”un Qarabağ bürosunun məlumatına görə, şəhidin nəşi Füzuli şəhəri Şəhidlər xiyabanında dəfn olunub.

Dəfn mərasimində şəhidlərin doğmaları, Füzuli Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

Qeyd edək ki, M.Əliyev 1958-ci il noyabrın 29-da anadan olub. O, 1992-ci il aprelin 12-də Füzuli rayonunun Çimən kəndində itkin düşüb.