Füzuli sakini: Doğma yurdumuzdan çıxanda 10 yaşım var idi, indi eyni yaşlı övladımla qayıdıram

Füzulini tərk edəndə 10 yaşım var idi, indi eyni yaşlı övladımla qayıdıram.

“Report” xəbər verir ki, bunu doğma yurduna qayıdan Füzuli sakini Əlvan Əliyev söyləyib.

“30 il idi ki, rayonu tərk etmişdim. Məmləkətimizdən çıxanda cəmi 10 yaşım var idi. İndi artıq 10 yaşlı oğlumla qayıdıram”.

Beş ailə üzvü ilə qayıtdığını bildirən Ə.Əliyev ona bu fürsəti verən Azərbaycan ordusuna minnətdarlığını bildirib; şəhidlərə rəhmət, qazilərə cansağlığı diləyib.

Xatırladaq ki, bu gün, martın 15-də, Füzuli şəhərinə növbəti köç olacaq.