Fransalı tarixçi: “XX əsrin əvvəlində müsəlman qətllərinin arxasında Njde və onun adamları dayanıb”

“Aparılan tədqiqatlar göstərir ki, XX əsrin əvvəlində müsəlman qətllərinin arxasında Njde və onun adamları dayanıb”.

“Report” xəbər verir ki, bunu ADA Universitetinin müəllimi, fransalı tarixçi, tədqiqatçı Maksim Quin Ermənistandan didərgin salınmış azərbaycanlıların təhlükəsiz və ləyaqətli şəkildə geri qayıdışını təmin etmək: Qlobal kontekst və ədalətli həll" mövzusunda keçirilən beynəlxalq tədbirdə deyib.

Onun sözlərinə görə, 1919-cu illərdə azərbaycanlılara qarşı aparılan etnik təmizləmə bəlkə də ən qanlısı olub: “Belə ki, azərbaycanlılar soyqırımına məruz qaldıqları əksər ərazilərə bir daha qayıtmayıblar”.

Fransalı tarixçi bildirib ki, Azərbaycan ərazilərinin dağıdılması təcrid olunmuş qaydada baş verməyib: “Yəni bu, bilavasitə kütləvi şəkildə həyata keçirilən bir proses idi. Həmin etnik təmizləmə Şərqi Anadoluda da öz əksini tapıb. Njde və onun adamları azərbaycanlılarla yanaşı kürdlər və iranlıları qətlə yetiriblər. Aparılan tədqiqatlar göstərir ki, həmin tarixdə müsəlman qətllərinin arxasında Njde və onun adamları dayanıb. Azərbaycanlılar Ermənistanın ərazi ambisiyalarına bağlı olaraq soyqırımına məruz qoyulur, onların mülkləri ələ keçirilirdi”.

M.Quin vurğulayıb ki, Daşnaksütyunun əsas liderlərindən olan Minasyan şəxsən qətl və deportasiyaların həyata keçirilməsində iştirak edib: “O çox irqçi biri idi. Sonradan onun oğlu atası barədə yazdığı kitabda bildirib ki, Ermənistanda ermənilərdən çox azərbaycanlı vardı. Ona görə də bir onları qırmalı və deportasiya etməli idik”.