Yuxarı

Fövqəladə hallar naziri Ağcabədidə vətəndaşları qəbul edəcək

Qəbulda yalnız FHN-in fəaliyyəti ilə bağlı müraciətlərə baxılacaq

Bakı. 15 mart. REPORT.AZ/ Fövqəladə hallar naziri Kəmaləddin Heydərov Ağcabədidə vətəndaşları qəbul edəcək.

Bu barədə "Report"a Fövqəladə Hallar Nazirliyinin mətbuat xidmətindən məlumat verilib.

Məlumata görə, görüş martın 17-də Ağcabədi şəhərində, Dövlət Yanğından Mühafizə Hissəsinin inzibati binasında saat 11.00-da olacaq.

Qəbulda yalnız Ağcabədi, Beyləqan, Füzuli, Xocavəndrayonlarının sakinləri və həmin rayonlarda məskunlaşan məcburi köçkünləriştirak edə bilərlər.

Qəbulda yalnız Fövqəladə Hallar Nazirliyinin fəaliyyəti ilə bağlı müraciətlərə baxılacaq.

Qəbula gələn vətəndaşların qeydiyyatı Ağcabədi Rayon Dövlət Yanğından Mühafizə Hissəsinin inzibati binasında (ünvan: Ağcabədi şəhəri, Ü.Hacıbəyliprospekti) 16 mart 2016-cı il tarixində saat 09.00-da başlayacaq.

Qəbula gələn vətəndaşlar şəxsiyyəti təsdiq edən sənəd təqdim etməlidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi