Yuxarı

Əli Kərimlinin yaşadığı binanın qarşısında daha bir aksiya keçirilib - FOTO

Aksiyada Şəhidlər ölməz, vətən bölünməz, Ar olsun şüarları səsləndirilib

Bakı. 9 aprel. REPORT.AZ/ Bakıda bir qrup gənc Azərbaycan Xalq Cəbhəsi Partiyasının (AXCP) sədri Əli Kərimlinin yaşadığı binanın qarşısına yürüş ediblər.

"Report"un xəbərinə görə, yürüşdə Ə.Kərimlinin son günlər cəbhədə baş verənlərlə bağlı dövlətin yürütdüyü siyasəti tənqid etməsinə etiraz edilib.

Bildirilib ki, Ə.Kərimli Azərbaycan dövlətinin siyasətini tənqid etməklə ermənilərə şans verir. Həmçinin erməni xəbər saytlarının Əli Kərimlinin yazılarına istinad etməsi pislənilib.

Aksiyada "Şəhidlər ölməz, vətən bölünməz", "Ar olsun" şüarları səsləndirilib.

Xatırladaq ki, bu, aprelin 9-da Ə.Kərimlinin yaşadığı binanın qarşısında keçirilən ikinci aksiyadır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi