Yuxarı

Əli Kərimlinin AXCP ilə bağlı məhkəməsi təxirə salınıb

Növbəti məhkəmə prosesi fevralın 4-də keçiriləcək

Bakı. 14 yanvar. REPORT.AZ/ 1 saylı Bakı İnzibati-İqtisadi Məhkəməsində Əli Kərimlinin Azərbaycan Xalq Cəbhəsi Partiyası (AXCP) ilə bağlı iddiasına baxılacaq məhkəmə təxirə salınıb.

Bu barədə "Report"a partiyanın vəkili Fəxrəddin Mehdiyev məlumat verib. O bildirib ki, məhkəmənin təxirə salınmasına səbəb Ədliyyə Nazirliyinin nümayəndəsinin prosesə gəlməməsi olub.

Növbəti məhkəmə prosesi fevralın 4-də keçiriləcək.

Xatırladaq ki, AXCP-nin 2015-ci ilin sentyabrın 27-də qurultayı keçirilib. Açıq səsvermə ilə Əli Kərimli sədr seçilib.

Qurultayın nəticələrinin dövlət reyestrinə daxil edilməsi üçün sənədlər Ədliyyə Nazirliyinə təqdim olunsa da, nazirlik məhkəməyə müraciət etməyi tövsiyə edib.

Ədliyyə Nazirliyi eyni qərarı Razi Nurullayevlə də bağlı verib. Nazirlik R.Nurullayevin rəhbərlik etdiyi AXCP-nin oktyabrın 18-də etimad qurultayının nəticələrini tanımayıb.

O, 1 saylı Bakı İnzibati-İqtisadi Məhkəməsinə müraciət etsə də, iddia icraata götürülməyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi