Yuxarı
    Bağlamaq

    Əli Əhmədov: "Seçkilər çox uğurla baş tutub, qanun pozuntularına yol verilməyib"

    Bütövlükdə ölkədə irəli sürülən namizədlərdən 40%-dən çoxu YAP-ın namizədi olub

    Bakı. 23 dekabr. REPORT.AZ/ "Yeni Azərbaycan Partiyası (YAP) Azərbaycanda bu gün keçirilən bələdiyyə seçkilərin 16 760 nəfər namizədi olub. Bunlardan 4400 nəfəri partiya tərəfindən, 3356 nəfər isə fərdi qaydada namizədliyini irəli sürüb". "Report"un məlumatına görə, bunu YAP-ın sədr müavini, icra katibi, baş nazirin müavini Əli Əhmədov bu gün keçirdiyi mətbuat konfransında bildirib.

    Onun sözlərinə görə, bu, YAP-ın resursunun ölkədə nə qədər çox olmasından xəbər verir: "YAP bugünkü bələdiyyə seçkilərində çox yaxından iştirak edib, bütün bələdiyyələrdə öz namizədini irəli sürüb. Bütövlükdə ölkədə irəli sürülən namizədlərdən 40%-dən çoxu YAP-ın namizədi olub".

    Ə.Əhmədov seçkilərin baş tutduğunu deyərək vurğulayıb ki, partiya seçkinin nəticələrinə böyük ümid bəsləyir: “İstinad etdiyimiz başlıca seçki resursu bu ümidlərə əsas verir. Seçkilər çox uğurla baş tutub, qanun pozuntularına yol verilməyib. Müşahidəçilərimiz çox geniş şəkildə prosesdə iştirak ediblər və onlar tərəfindən heç bir qanun pozuntusu barədə məlumat almamışıq".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi