ƏHD: Parlament seçkilərinin yekun nəticələrinə təsir edə biləcək ciddi qanun pozuntularına rast gəlinməyib

Seçki məntəqələrində növbədənkənar parlament seçkilərinin yekun nəticələrinə təsir edə biləcək ciddi qanun pozuntusuna rast gəlinməyib.

“Report”un məlumatına görə, bu barədə Ədalət, Hüquq, Demokratiya (ƏHD) Partiyasının bəyanatında deyilir.

Qeyd edək ki, Mərkəzi Seçki Komissiyasının ilkin nəticələrinə əsasən, partiyanın irəli sürdüyü iki namizəd Qüdrət Həsənquliyev və Elçin Mirzəbəyli liderlər sırasındadırlar.

“VII çağırış Azərbaycan Respublikasının Milli Məclisinə ədalətli cəmiyyət, hüquqi, demokratik dövlət quruculuğunda, parlamentarizm ənənələrinin davam və inkişaf etdirilməsində uğurlar arzulayırıq”, - bəyanatda deyilir.