Əfv sərəncamı ilə azad olunan məhbus: Daha bu səhvləri etməyəcəm

Əfv sərəncamı ilə azadlığa buraxılan keçmiş məhbus səhvlərindən nəticə çıxararaq bir daha bunu təkrarlamayacağını deyib.

"Report" xəbər verir ki, Prezident İlham Əliyevin imzaladığı əfv sərəncamı ilə azadlığa buraxılan keçmiş məhkum Emin Tağıyev jurnalistlərə müsahibəsi zamanı bildirib:

"Bağışlanmaq insanı düşünməyə vadar edir. Bundan nəticə çıxarıb daha bu səhvləri etməyəcəm".

O, Prezident İlham Əliyevə təşəkkür edib:

"Prezidentə təşəkkür edirəm ki, bizi azadlığa buraxılmağımız üçün əfv sərəncamı imzalayıb. Mən dövlətimizə inanırdım, ona görə də bunu gözləyirdim".