​Dövlət qurumlarının Çağrı Mərkəzinə nömrəgizlətmə xidmətlərinin tətbiq edilməsi qadağan olunub

​Dövlət qurumlarının Çağrı Mərkəzinə nömrəgizlətmə xidmətlərinin tətbiq edilməsi qadağan olunub Vətəndaş qeydə alınmış danışığın səs yazısının elektron daşıyıcıda olan surətini 3 ay ərzində almaq hüququna malikdir
Daxili siyasət
571
4 Mart , 2015 09:53
​Dövlət qurumlarının Çağrı Mərkəzinə nömrəgizlətmə xidmətlərinin tətbiq edilməsi qadağan olunub

Bakı. 4 mart. REPORT.AZ/ Azərbaycan Respublikasının ərazisində bütün sabit və mobil telekommunikasiya şəbəkələrindən Çağrı Mərkəzinə birbaşa yığımlar təmin olunacaq. “Report” xəbər verir ki, “Dövlət orqanlarında çağrı mərkəzlərinin fəaliyyətinin təşkili Qaydaları”na əsasən, Çağrı Mərkəzinə zəng edilən telefon nömrələri avtomatik təyin olunur və heç bir halda nömrəgizlətmə xidmətləri dövlət orqanlarına münasibətdə tətbiq edilə bilməz.

Çağrı Mərkəzində aparılan telefon danışıqları qeydə alınacaq və bu barədə müraciət edən şəxsə əvvəlcədən məlumat veriləcək. Müraciət edən şəxs qeydə alınmış danışığın səs yazısının elektron daşıyıcıda olan surətini yazıldığı gündən 3 ay ərzində almaq hüququna malik olacaq.

Müraciət edən şəxs tərəfindən Çağrı Mərkəzi vasitəsilə yanlış məlumatların verilməsi nəticəsində qanunvericiliyin pozulması müraciət edən şəxsin təqsirini istisna edir. Çağrı Mərkəzi vasitəsilə verilən yanlış məlumatlar əsasında müraciət etmiş şəxsin əməlində pozuntu və ya çatışmazlıq aşkar olunarsa, Çağrı Mərkəzinin təmsil etdiyi dövlət orqanı həmin pozuntuların və çatışmazlıqların aradan qaldırılmasında ona köməklik göstərməlidir. 

Son xəbərlər

Orphus sistemi