Dövlət Komitəsinin sədri: Seçkilərə maraq müşahidə edilir

Müşahidələrə görə, hazırda Azərbaycanda baş tutan növbədənkənar parlament seçkilərinə maraq var.

"Report" xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova jurnalistlərə açıqlamasında deyib.

O bildirib ki, Komitə Mərkəzi Seçki Komissiyası ilə birgə seçki prosesində bərabərliyin və iştirakçılığın təmin olunması üçün fəaliyyət göstərib:

"İctimai gənc fəal qadınlarla görüşlər keçirilib, onlarla vətəndaş məsuliyyətini dərk edərək seçkidə fəaliyyət göstərmələri ilə bağlı maarifləndirmə işləri aparılıb. Bülletendə adı qeyd edilən namizədlərin 30%-i qadınlardır. Onlar bu faizi qoruyub saxlaya biləcəklərmi, onu yaxın saatlarda görəcəyik".