Dövlət Komitəsi insan alveri ilə mübarizə üçün əhaliyə müraciət edib

Ailə, Qadın və Uşaq Problemləri üzrə Dövlət Komitəsi əhaliyə müraciət edib.

"Report" xəbər verir ki, Dövlət Komitəsi müraciətdə hər kəsi insan ləyaqətini alçaldan insan alverinə qarşı mübarizəyə qoşulmağa, insan alveri qurbanlarına dəstək olmağa çağırıb.

Qeyd olunub ki, Dövlət Komitəsi insan alverinin qarşısının alınması üçün mütəmadi olaraq maarifləndirmə kampaniyaları həyata keçirir.

Bu tədbirlərin davamı olaraq Dövlət Komitəsi “Azərbaycan Respublikasında insan alverinə qarşı mübarizəyə dair 2020-2024-cü illər üçün Milli Fəaliyyət Planı”nın 4.2.1. və 4.2.3. bəndlərini rəhbər tutaraq insan alveri ilə mübarizə məqsədilə sosial videoçarx hazırlayıb.