Deputat dərman preparatlarının ölkəyə gətirilməsi ilə bağlı təklif irəli sürüb

Bakı. 17 mart. REPORT.AZ/ Milli Məclisin bu gün keçirilən plenar iclasında deputat Musa Quliyev dərman preparatlarının ölkəyə gətirilməsi ilə bağlı təklif irəli sürüb.

“Report”un xəbərinə görə, Nazirlər Kabinetinin 2016-cı ildəki fəaliyyəti haqqında hesabat müzakirəsi zamanı M.Quliyev deyib ki, həyati vacib olan 300 və ya 500 adda dərman preparatlarının ölkəyə gətirilməsini dövlət üzərinə götürməlidir: “Qalan preparatlar isə sərbəst şəkildə gətirilsin”.
Deputat qeyd edib ki, valyuta bazarında baş verənlər dərmanların qiymətinə təsir edir.