Daşaltıda 31 il əvvəl şəhid olan Məhərrəm Abbasov dəfn olunub

Daşaltıda 31 il əvvəl şəhid olan Məhərrəm Abbasov dəfn olunub Şuşada, Daşaltı uğrunda gedən döyüşlərdə 31 il əvvəl şəhid olan Məhərrəm Abbasovun meyitinin qalıqları Bakının Nizami rayonunun Keşlə qəsəbəsində Şəhidlər xiyabanında dəfn olunub.
Daxili siyasət
23 Avqust , 2023 12:46
Daşaltıda 31 il əvvəl şəhid olan Məhərrəm Abbasov dəfn olunub

Şuşada, Daşaltı uğrunda gedən döyüşlərdə 31 il əvvəl şəhid olan Məhərrəm Abbasovun meyitinin qalıqları Bakının Nizami rayonunun Keşlə qəsəbəsində Şəhidlər xiyabanında dəfn olunub.

"Report" xəbər verir ki, dəfn mərasimində şəhidin ailə üzvləri, Müdafiə Nazirliyinin, rayon ictimaiyyətinin nümayəndələri, döyüş yoldaşları, rayon sakinləri, qazilər və media nümayəndələri iştirak ediblər.

M.Abbasov yaylım atəşi və Dövlət Himninin sədaları altında torpağa tapşırılıb.

Dəfn mərasimində Azərbaycanın ərazi bütövlüyü uğrunda canlarından keçən bütün şəhidlərin ruhuna dualar oxunub, şəhidin məzarına tər güllər düzülüb, əklil qoyulub.

Qeyd edək ki, M.Abbasov Şuşa rayonunun Daşaltı kəndi ərazisində qalıqları aşkar edilmiş 7 nəfərdən biridir.

Son xəbərlər

Orphus sistemi