Daxili işlər nazirinin müavini: “Profilaktik qeydiyyatda olan şəxslər müşahidəyə götürülüb”

Dairə və seçki məntəqələrinin mühafizəsi üçün müvafiq işlər görülür.

“Report”un xəbərinə görə, bunu daxili işlər nazirinin müavini, polis general-leytenantı İsmət Əliyev Mərkəzi Seçki Komissiyasında dairə seçki komissiyalarının sədrləri üçün keçirilən müşavirədə deyib.

Onun sözlərinə görə, profilaktik qeydiyyatda olan şəxslər artıq müşahidəyə götürülüb: “Qanunsuz silahların yığılması istiqamətində də tədbirlər həyata keçirilir.

DİN-in şəxsi heyəti bütünlükdə qarşıya qoyulan vəzifələri layiqincə yerinə yetirəcək”.