QH Gənclər Şəbəkəsinin müşahidəçisi: “Azərbaycan gəncləri prezident seçkilərində fəal iştirak edirlər”

Azərbaycan gəncləri növbədənkənar prezident seçkilərində fəal şəkildə səs verirlər.

“Report” xəbər verir ki, bunu Qoşulmama Hərəkatının (QH) Gənclər Şəbəkəsinin müşahidəçisi Çifundo Robert deyib.

“Hesab edirəm ki, burada seçki prosesi çox yaxşı gedir. Biz görürük ki, seçki məntəqələrinə həm kişilər, həm də qadınlar gəlir, onların arasında çoxlu gənclər var. Düşünürəm ki, demokratik proseslərdə həmişə qarşılaşdığımız ən aktual problem gənclərin seçkilərdə iştirak etməməsidir. Amma gördüyümüz kimi, Azərbaycan gəncləri də seçki proseslərində iştirak edir və bu, sevindirici haldır”, - o bildirib.