Cəlilabadın Göytəpə şəhərində şəhid adları verilən küçələrə lövhələr vurulub

Cəlilabad rayonunun Göytəpə şəhərində şəhid adları verilən küçələrə lövhələr quraşdırılıb.

"Report"un Muğan bürosunun məlumatına görə, şəhid Elməddin Əliyevin adı köhnə Nizami küçəsinin bir hissəsinə, şəhid Vüqar İbadovun adı köhnə Həzi Aslanov küçəsinin bir hissəsinə, şəhid Əlikram Xanışovun adı köhnə Pişəvəri küçəsinə, şəhid Elmir Məmmədovun adı əvvəl adsız olan küçəyə, şəhid Muxtar Babayevin adı əvvəl adsız olan küçəyə, şəhid Namiq Həsənovun adı köhnə Cəfər Cabbarlı küçəsinin bir hissəsinə, şəhid Ağayev Mirlətifin adı köhnə Ərdəbil küçəsinə və şəhid Murad Səlifovun adı köhnə Fərman Salman küçəsinə verilib və ad lövhələri vurulub.

Qeyd edək ki, Göytəpəyə 1976-cı ildə şəhər statusu verilib.