Cəlilabadda şəhid bulağının açılışı olub 

Cəlilabad rayonunda Vətən müharibəsi şəhidi Şəhriyar Əsgərovun xatirəsinə həsr olunmuş bulağın açılışı olub.

"Report"un Muğan bürosunun məlumatına görə, bulaq rayonun Göytəpə şəhərində inşa edilib.

Açılışda rayon rəsmiləri, şəhidin yaxınları, qazilər, ictimaiyyət nümayəndələri və şagirdlər iştirak edib.

Tədbirdə çıxış edənlər şəhidin keçdiyi qəhrəmanlıq yolundan geniş söhbət açıblar.

Qeyd edək ki, Şəhriyar Əsgərov 1991-ci ildə Cəlilabadın Göytəpə şəhərində anadan olub. Vətən müharibəsi zamanı Xocavənd istiqamətində şəhadətə yüksəlib.