Cəlilabadda 101 yaşlı iki seçici səs verib 

Cəlilabad rayonunda 101 yaşlı iki seçici növbədənkənar parlament seçkilərində səsvermə hüququndan istifadə edib.

"Report"un Muğan bürosunun məlumatına görə, 71 saylı Cəlilabad şəhər seçki dairəsinin 23 saylı məntəqəsində qeydiyyatda olan 101 yaşlı Həcər Ağasalah qızı Rüstəmova səs verib.

Qeyd olunub ki, H.Rüstəmovanın səs verməsi üçün evinə daşınan seçki qutusu aparılıb.

Ondan başqa, həmin seçki dairəsi üzrə 24 saylı seçki məntəqəsində qeydiyyatda olan 101 yaşlı Zamanov Əbiş İbiş oğlu da səsvermə hüququndan istifadə edib. Onun evinə daşınan seçki qutusu aparılıb və seçici səs verib.