Cəbrayıl sakini: 42 ildi müəllim işləmişəm, artıq rayona istirahətə gedirəm

“42 ildi müəllim işləmişəm, artıq Cəbrayıl rayonuna istirahətə gedirəm”.

Bunu “Report”a açıqlamasında bu gün Cəbrayıl şəhərinə köç edən keçmiş məcburi köçkün Quliyeva Pəri deyib.

O həm məcburi köçkünlük dövründə, həm də hazırkı vaxtda onlara yaradılan şəraitə görə ölkə başçısına və birinci xanıma minnətdarlığını bildirib:

“Həyat yoldaşımla gəlmişdim. Artıq o vəfat edib. Hazırda oğlumla, gəlinimlə və nəvəmlə torpağıma qayıdıram. Allah şəhidlərimizə rəhmət eləsin, qazilərimizə cansağlığı nəsib etsin. Biz illər boyu vətən həsrəti ilə yaşadıq. Bu gün artıq Vətən həsrətinin bitdiyinə şahidlik edirəm”.