Bələdiyyə seçkilərində qeydə alınan namizədlərin sayı açıqlanıb

İndiyədək bələdiyyə seçkilərində 755 nəfər namizəd kimi qeydə alınıb.

"Report" xəbər verir ki, bunu Mərkəzi Seçki Komissiyasının (MSK) bu gün keçirilən iclasında MSK sədri Məzahir Pənahov deyib.

O bildirib ki, qeydə alınan namizədlərdən bir nəfər dünyasını dəyişdiyindən hazırda 754 namizəd var:

"Ümumilikdə 15 min 886 nəfər namizədlik üçün müraciət edib. 6 min 889-u imza vərəqələrini götürüb. 2 min 79 nəfər imza vərəqələrini dolduraraq təqdim edib".

MSK sədri deyib ki, bələdiyyə seçkilərini müşahidə etmək istəyən 1 min 95 müşahidəçi qeydə alınıb:

"Müşahidəçilərin 131 nəfəri MSK-da, 964 müşahidəçi isə dairə seçki komissiyaları tərəfindən qeydə alınıblar".