Yuxarı
    Bağlamaq

    Bakının 132-134 saylı məktəb kompleksində dayanıqlı inkişafla bağlı açıq dərs keçirilib

    Şagirdlərin yazdıqları məktublar BMT baş katibinə çatdırılacaq© Report.az

    Bakı. 10 aprel. REPORT.AZ/ Bakının 132-134 saylı məktəb kompleksində dayanıqlı inkişafla bağlı açıq dərs keçirilib.

    “Report”un xəbərinə görə, tədbirə baş nazirin müavini, Dayanıqlı İnkişaf üzrə Milli Əlaqələndirmə Şurasının sədri Əli Əhmədov, dövlət qurumlarının nümayəndələri qatılıblar.

    Əvvəlcə şagirdlərə dayanıqlı inkişafla bağlı məlumat verilib, fikir mübadiləsi aparılıb.

    Dayanıqlı İnkişaf üzrə Milli Əlaqələndirmə Şurasının sədri Əli Əhmədov çıxış edərək qlobal problemlərə toxunub və bunların həlli yollarını sadalayıb. O,  Dayanıqlı İnkişaf üzrə Milli Əlaqələndirmə Şurasının yaradılmasının Azərbaycan üçün əhəmiyyəti barədə də danışıb.

    BMT-nin Azərbaycandakı Rezident Əlaqələndiricisi Qulam İsakzai isə çıxış edərək deyib ki, Azərbaycanda təhsilin inkişafı ilə bağlı addımlar atılır. Q.İsakzai şagirdlərə müraciət edərək deyib ki, onların yazdıqları məktublar BMT baş katibinə çatdırılacaq.

    Sonda xatirə şəkli çəkdirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi