Azərbaycanda bir hakimin iş yeri dəyişdirilib, digərinin səlahiyyətlərinə xitam verilib

Bakı. 18 noyabr. REPORT.AZ/ Azərbaycan Prezidenti İlham Əliyev Naxçıvan Şəhər Məhkəməsinin sədri Hüseyn Məmməd oğlu Məmmədovun iş yerinin dəyişdirilməsi haqqında sərəncam imzalayıb.

"Report"un məlumatına görə, sərəncama əsasən, H.Məmmədov Naxçıvan Şəhər Məhkəməsinin hakimi və sədri vəzifəsindən azad edilərək Naxçıvan Muxtar Respublikası Ağır Cinayətlər Məhkəməsinin hakimi və sədri təyin edilib.

Dövlət başçısının digər sərəncamı ilə qanunvericiliyin tələblərini dəfələrlə kobudcasına pozduğuna görə Qazax Rayon Məhkəməsinin hakimi Elnur Muxtar oğlu Cəbiyevin səlahiyyətlərinə vaxtından əvvəl xitam verilib.